講起西貢既沙灘，想信大家都會諗起大清，二清。但係如果2個沙灘都full 晒，停車場無位，大家又會諗去邊度玩水呢？今日就介紹銀線灣沙灘比大家啦。
銀線灣沙灘位於西貢，比較接近寶琳同坑口。沙灘設有小食亭,更衣室, 淋浴設備, 洗手間(設有暢通易達洗手間)和2個浮台，識合大小朋友一家人黎。但要注意既一點係，依個沙灘比較細，潮漲既時候沙灘打直只可放到2個沙灘用既帳幕。所以黎之前記住睇下 天文台潮汐報告。
交通資訊:
駕車朋友可以從坑口方向沿影業路一直上山，去到第一個迴旋處沿銀線灣沙灘方向行，跟住第一個路口轉右就到。
銀線灣方向行
路口轉右,一路直行
銀線灣沙灘設有64個錶位,星期一至六要收費,星期日全日免費,所以星期日嚟到會比較full,自己留意吓啦
紅色涼亭右手邊有路通往沙灘 
沙灘有提供更衣淋浴設施 
沙灘望出去嘅景色 
如果沙灘冇位可以將物品放喺沙灘涼亭位置
離沙灘五分鐘車程既銀線灣廣場有一間超級市場，如果想係沙灘享用廉價冰凍飲品，不妨去依度選購。