小冷水攝車誌

2018-03-31 更新 –

係上一次既遊車河中，我地發現小冷水已經封上圍欄 (重有個更亭)，而環境保護署既閂口都已經鎖上，所以小冷水就已經唔可以再影車了…

係地少人多既香港, 要尋找一個草地同自己愛車共融既地方真係好難, 到處都係圍欄不準踐踏; 今次小編介紹既就係好多師兄們去影草地與車既聖地 – 屯門小冷水啦! 小冷水係已關閉堆填區, 由環境保護署負責修復。呢度鄰近龍門路同青山發電廠, 要由蝴蝶灣再揸車入去先到, 比較少車會入到呢區嫁, 到時大家就可以大影特影啦!

遊車河資訊

今次既屯門區遊車河路線如下:

屯門市區出發 → 蝴蝶灣 → 龍鼓灘 → 源區 T park (因為無book 就兜番出黎) → 小冷水 → 蝴蝶灣 (車太臭要洗車) → 屯門晚餐結束

千其千其注意! T park (堆填區) 係唔可以揸去下白泥的! (雖然我見到既都係同一條稔灣路……)

影相Spot 1 – 小冷水荒廢車路

P.S – 小編既Photoshop 技術真係有待改進, 所以以下相片都無乜執過, 請見諒 (笑)

呢條路相信係以前小冷水堆填區同龍門路既通道, 要係呢個位影相, 首先要行到小冷水路有一個環境保護署既閂口, 唔洗理個閂揸入去

要注意既係小冷水路係掘頭路無得揸番出公路, 以及沿路有勁多樹枝, 錫車既朋友就要小心揸入去啦

今次係小編同呢架AE110 既最後幾程遊車河, 所以我地同佢留多幾張倩影 (真係好唔捨得)

影相Spot 2 – 小冷水大草地

呢個草地真係搵左一輪, 係掘頭路到兜兜轉轉先知道……原來塊草地係一轉入黎小冷水既右面lol

無錯啦! 就係Google map 呢架泥頭車入去既位置啦! 相信政府係幾年前應該有做過修護工程, 先有宜家呢片咁靚既青草地

可能比較少人黎到, 係11月黎個陣都係青草地黎嫁! 重有既就係中間空出一塊地, 周圍乜無大樹, 上網都見到有人揸埋巴士黎到影相

唔好講咁多, 快D影多幾張相先!

當時係草地影相時周圍臭味都真係幾重, 揸車入去既朋友都要注意 (可能我地係堆填區旁既源區出黎既關係啦…. )。另外大家都要愛惜呢塊草地, 因為係香港真係好少有咁靚既草地, 以及呢一區都開始要改變土地用途, 所以要影相既朋友係要盡快搵日入黎啦!

如何前往

駕車前住小冷水路