屯門黃金海岸，黃金泳灘

臨近夏天，週末時間想同愛車去遠D既地方行下輕鬆下，又想去海灘曬太陽，黎到屯門黃金海岸就可以滿足曬咁多個願望啦！呢度有大量泊車位, 海灘附近又有商場同食肆，肚餓就唔洗驚得小食亭；而且每逢週末黃金海岸商場都會舉辦不同合家歡活動或者市集，不妨係夏天考慮下黎到黃金海岸啦！

遊車河路線

今次我地沿住青山公路入屯門, 沿途參考景點如下:

荃灣出發 → 汀九橋下 (汀九灣/ 麗都灣) → 深井深慈街 → 龍珠島 (青龍花園) → 黃金海岸 →  青山灣海鮮/ 返回小欖燒烤樂園晚餐

假日下午茶鬆一鬆

黃金海岸購物商場係一個充滿歐陸式建築群既戶外商場，商場內包括食肆，超市商店等等。食肆亦設有露天茶座，可以同愛人或者來閨密黎個下午茶Chill 下嘆下嫁!

望住呢個海景食飯，海風吹來既感覺真係好 relax 嫁!

今次我地係假日下午時間黎到黃金海岸，發現呢度餐廳既下午茶比想像中平! 好! 多! 我真係以為要100 蚊先落到樓嫁

假日工藝攤檔，感受歐陸氣息

黃金海岸購物商場既另一個特點就係，每逢假日都會有好多工藝小檔攤同攤位同小朋友玩嫁! 但咁岩今次小編撞正TVB 劇幕後玩家既萬聖節宣傳活動，所以就未見有工藝小檔攤，但係都有好多扭波小攤位同萬聖節打扮既哥哥姐姐同小朋友影相互動，而係商場附近都有公園比一大班小朋友玩，都幾適合同小朋友黎到黃金海岸行下嫁！

商場泊車優惠

黃金海岸商場提供的泊車收費如下 (價錢以黃金海岸商場網站為準)

星期一至四 (公眾假期除外)

每半小時港幣10元

星期五、六、日及公眾假期

每半小時港幣13元

於黃金海岸商場內消費滿$100 (單一機印發票) 可享半小時價錢，泊車兩小時優惠

消費滿$200 (兩張機印發票，每張滿$100) 可享半小時價錢，泊車三小時優惠

如何前往黃金海岸商場停車場

黃金泳灘

位於黃金海岸商場及酒店隔離既黃金泳灘係本港首個人工沙灘，亦係屯門區最大既公眾泳灘；由商場步行到泳灘需要十至十五分鐘左右，途經黃金海岸酒店。如果係沙灘玩完覺得肚餓，就可以步行到隔離商場食飯，係食野呢方面係非常方便的！

泳灘門口有公共錶位停車場，內有大量位置方便游泳人士，鴐車人士可以先到呢度睇下有無位，無位先到商場內泊車

泳灘建築物風格亦好多歐陸風格，一入到泳灘旁邊就係餐廳，而沖涼花灑都幾多下

一眼望落黃金泳灘，面積都真係幾大，炎炎夏日可以容納好多人係度游水同曬太陽

樹蔭位置亦有非常多，家長們就可以霸定呢D位睇住小朋友啦!

如果有時間可以行下既話，可以面向黃金泳灘門口左轉，一直行到黃金海岸海豚廣場。廣場原本係一個直升機坪，而廣場內既雕像係以兩大一小既金色中華白海豚組成，感覺就好…..金紫荊廣場咁，以供旅客拍照咁囉。

如何前往黃金泳灘及海豚廣場

交通工具

資料提供: 黃金海岸商場網站

小巴

路線	起點	終點
43	屯門市中心 (河傍街)	掃管笏
43B	屯門市中心 (河傍街)	大欖涌
43S	屯門市中心 (河傍街)	掃管笏(稔灣)
140M	青衣站	屯門(恒福花園)

巴士

路線	起點	終點
52X	旺角(柏景灣)	屯門市中心
53	荃灣西鐵路站總站	元朗(東)總站
61M	荔景(北)	友愛(南)總站
252B	恒順園	尖沙咀
261B	三聖	九龍鐵路站
962	銅鑼灣(摩頓台)	屯門(龍門居)
962B	銅鑼灣(摩頓台)/ 屯門(置樂花園)	屯門(置樂花園) / 金鐘(西)
962S	屯門(置樂花園)	銅鑼灣(摩頓台)
A33	機場(地面運輸中心)	屯門鐵路站
K51	富泰	大欖
K53	港鐵屯門站	掃管笏
N962	銅鑼灣(摩頓台)	屯門(龍門居)