欣澳堤邊日落遊

聽到欣澳呢個地方, 好多人第一樣諗起我諗就只有: 1. 迪士尼線轉車 2. 迪欣湖轉車。其實欣澳站原名陰澳, 係港鐵定名之前, 因為迪士尼公司覺得「陰澳」既「陰」字同迪士尼的歡欣形象唔夾，就要求跟番廣東人將唔吉利既字改作諧音字 -「陰澳」改名為「欣澳」啦。其實「陰澳」既「陰」字來源並非唔吉利, 只係代表一個地方位處於山的北面、水的南面咁解。雖然原名咁陰暗, 但其實呢個海邊地鐵站可以欣賞到美麗既日落, 重可以係石堤邊垂釣同吹海風添~ 今次帶大家行既小路比較私密,最好就同情人黎呢度靜靜咁睇風景啦!

如何前往 (有D難度)

點解話有D難度呢, 係因為呢度唔係成條路都有google map 提示的喔! 大家就要睇住以下既圖片指示啦, 另外要注意既係呢條路都好多地方無街燈, 夜晚黎到既話要格外小心

1. 首先依照地圖去到翔東路既呢個點

2. 係呢度轉入去就會見到有一條好陰暗既隧道入口(時光隧道)

穿過隧道; 隧道入面係完全無燈, 要小心駕駛

3. 下行道出黎之後就係咁樣, 而下行道既右邊係大型水管, 繼續上斜

4. 穿過呢條隧道為後就轉右(藍色箭咀方向) 往陰澳, 無耐就會見到一條分叉路(綠色點) ;

分叉路既樣子係咁樣的

紅色箭咀係崛頭路

黎到呢個分叉口, 路既左面就係石堤, 對岸就係屯門

之後繼續向右面( 藍色箭咀) 方向行

行無耐就會見到右手邊係機場快線同東涌既路軌啦!

陰澳灣

經過一排護土牆之後, 我地終於到陰澳灣啦! 陰澳係以前有多間木廠, 皆因陰澳係內灣既關係, 只有北方向海, 令海面相對平靜; 而日照時間亦少，適合儲存原木係內灣之中。去到宜家木廠與原木已不復再, 留低既就只有浮木陣插係內灣上。

呢度一直都係石屎路, 車友們大可放心駕駛; 沿住海邊一直走, 路軌就係右邊, 重可以停低同鐵場快線及東涌線影張相添

欣澳等等等日落

再向前走, 就會見到右手邊係欣澳港鐵站同公共交通交匯處:

要注意既係欣澳公共交通交匯處同呢條路係唔相連既, 普通車必須依照上面既路徑行到呢度。以前去到欣澳迴旋處個陣成日諗呢條路要點行入去, 重以為要SUV 先爬到坡上黎; 原來係兜咁大個圈既lol

呢度既另一邊就係堤邊, D海風吹黎真係好舒服!

重有人特登呢度垂釣

如果有搭車既朋友黎到欣澳釣魚/睇日落的話, 可以係欣澳地鐵站出黎後穿過巴士站黎到堤邊

呢度都係同自己既愛車影相既好地方~ 唔好講笑真係覺得佢型左好多(笑)

沿住海邊再向前行就係地盤入口, 應是盡頭

總結

小編今日就等唔到日落既美景啦, 下次我一定會等到太陽都落山嫁! 不過呢個真係一個揸車先黎到既私密小地方, 最岩就係同自己既情人黎呢度過一個浪漫既下午啦!