位於灣仔皇后大道東，合和中心附近嘅逸東軒，喺香港少數價錢唔算高，地點就腳而有廚房嘅酒店。今次小編就住咗一晚，發現啱晒情侶一齊煮飯仔，一齊睇下酒店有咩設施！
訂房連結:灣仔逸東軒係行上去酒店之前，路邊都有幾個臨時停車位置，如要合法泊車，附近都有「陽光中心」及「尚翹峰」停車場 ($30/1小時)，泊足全日嘅話需要$300+。
而隔離嘅合和中心喺2020年開始有一個14小時泊車優惠；係the east 消費滿400蚊，就可以喺晚上六點後到翌日早上八時免費泊車
詳情：http://thegrandbuffet.project.focus-global.com/images/pdf/Parking_Detail.pdf
本身逸東軒嘅定位就係apartment，礙於疫情先至開始多酒店客，所以Check-in位置只有一個。
逸東軒其中一個賣點就係好多房間都有自己嘅廚房，感覺好似返咗屋企咁，非常適合情侶二人世；而且鄰近灣仔街市，買餸亦非常方便
今次我哋預訂嘅係行政房，房間係一房一廳嘅設計
洗手間方面，有浴缸同冇浴缸我哋都住過一次，乾濕分離
酒店附近就係合和中心、利東街及灣仔街市
總結：逸東軒寓所係香港少見有廚房而且價錢相宜嘅酒店，非常適合小情侶慶祝特別節日，而且合和the east 嘅泊車優惠相當抵用，大家不妨考慮一下入住
訂房連結:灣仔逸東軒This website uses cookies.