小編係去之前都無留意過相思灣呢個小海灘，因為佢並唔係康文署轄下既海灘之一，所以都係第一次去。不過黎到呢個秘密小地方，確實黎飲下野傾計都不錯，一齊睇下呢度有咩睇啦！
要入黎相思灣確實不太方便，因為落斜既時候有好多路磗，如果車友們既車太低就要小心啦。
沿住清水灣道係相思灣路轉入去
因為太隱蔽既關係，各位車友要小心睇清楚D 分叉路口呀，唔係就好容易碌左去人地屋企lol。
相思灣有幾間出租獨木舟嘅舖頭, 部份有得泊車,但每間泊車地點不同, 車位價錢大約$100 1日 租獨木舟嘅時候問吓舖頭
黎到相思灣，首先影入眼簾既就係一大片空地！真係錶都唔洗入就可以就咁泊係度。然而好少可有泊車位同沙灘咁近，有時間都可以同你架影番張靚相嫁！
由於呢度唔係康文署轄下既泳灘之一，所以係乜都無既！小編都強烈不建議各位落水玩，因為真係好危險 lol
應該係區議會整既石枱同櫈，不用蓆地而坐，氣氛咁好咁寧靜，就可以舒舒服服同朋友傾計啦！
沙灘既質素確實幾差，因為有好多垃圾係灘上面，水質都唔係咁好。
不過呢度既好處就係寵物可以入黎！狗狗想玩水既話，呢度都係不錯既選擇，我地到個陣都見到有住附近既人都帶左狗黎散步。
要留意石屎地上有好多釘, 真係唔知係邊個咁無公德心，所以各位黎到既時候要小心啦！
有一片大空地任君選擇
因為好多路磗，如架車太低會容易刮底，不是太建議前往。
This website uses cookies.