舂坎角公園

下？邊度黎嫁舂坎角？我諗各位車友都無乜聽過呢個咁奇特既地方名。原來佢就係赤柱附近，只需要10分鐘內車程就能到達啦！呢度原來重有一個非常浪漫既天涯海角可以同BB黎傾傾計，睇日落; 想係海邊近距離燒烤，又唔想同一大堆人係赤柱正灘迫住迫住BBQ呢度都係一個好地方~一齊去片啦！

遊車河路線

港島遊車河路線最熟路既就係深淺赤石啦! 今次我地由筲箕灣出發, 香港仔做終點, 以下就係會途經既地方, 大家可以自己click 下其他順路既遊車河地點 :

筲箕灣出發→ 石澳→ 港島大浪灣→ 大潭篤水塘→ 赤柱→ 舂坎角公園→ 淺水灣 → 深水灣 → 香港仔終點

左轉右轉，其實呢個天涯海角都幾隔涉。係Google map 輸入舂坎角慈氏護養院，跟住揸到盡頭有一條單程斜坡落去就會見到左面有一個綠色既半圓頂，呢度就係啦！

黎到盡頭，會有一個大約3到6個車位既空地比大家泊車。

可能大家發現呢個地方做乜無端端有個半圓既球狀建築物，其實佢係建於1930年既英軍炮台黎嫁！大家係車上面都會見到一排排已經廢置左既英軍軍營嫁。不過黎到呢度炮台就有啦，支炮就一早搬走左，得番幾張石枱石櫈，同女女黎呢度談心都不錯嫁

• 人少少,與友人海邊吹風BBQ!

再向下行，有會見到大約三個BBQ爐，望住一望無際既大海BBQ 都真係精神一振！相比起附近赤柱正灘既BBQ 場呢度真係完全清靜，泊車都無咁頭痕, 不過呢度真係得個爐同櫈，廁所都無個(睇黎要去護養院借廁所)，對於一大班燒烤既朋友都幾唔方便。

• 天涯海角夠浪漫！

係面向海既左面有一條樓梯向下行，個度重有一個由炮台探照燈座改建而成既觀景台供遊人睇海景，係寧靜既夜晚望住呢個咁美麗既景觀，與另一半喺度談情說愛，比下surprise佢，再飲多兩啖…..汽水 (開車不喝酒喔！), 女女肯定冧到爆啦。

係觀景台既左面就可以遠眺赤柱半島同埋一列買唔起既豪宅, 而右面就係南丫島。好彩既話係呢度重可以欣賞到迷人既日落添！

• 總結

小編今次都係同男朋友黎到舂坎角公園，發覺呢度確實卿卿我我既好地方，因為勝在夠隔涉無乜人會碌架車落黎，可以旁若無人(真係無人lol) 咁錫番啖先都得，所以各位車友想搵個人少少既地方同女女傾下計，呢個天涯海角係一個非常好既地點。

• 泊車

有一個大約容納到3到6架車既空地,沒有車位

• 揸車注意事項

舂坎角慈氏護養院再落去係一條比較斜單程斜路,有對頭車要小心

• 交通工具

綠色小巴16A, 每日由柴灣站來往五班，承惠$12.2。時間表如下：

• 如何前往

舂坎角公園地圖