荃錦公路玩樂日誌 – 大帽山篇

假日期間，相信各位車友都想同自己既愛車係大帽山走一轉：由市區出發，唔洗幾個字就可以係彎彎曲曲既荃錦公路上飛馳，簡直係人生樂事呀！除左揸車之外，其實由荃灣出發既荃錦公路一段係有好多吃喝玩樂既停車點以供選擇，適合不同人士；今次小編就會列出荃錦公路既遊車河路線，等大家可以過一個充實既weekend！

遊車河路線

今次我地係荃灣出發沿住荃錦公路入元朗, 沿途參考景點如下:

荃灣出發 → 川龍村飲早茶 → 大帽山郊野公園 → 經過英雄亭 → 農場鮮奶下午茶(雷公田)＊ → 錦田自助洗車 → 燒烤結尾

如果大家想係荃灣入，之後經林錦公路係大埔出既，下列亦都有建議景點：

荃灣出發 → 川龍村 → 大帽山郊野公園 → 經過英雄亭 → 雷公田農場鮮奶＊ → 嘉道理農場 → 林村許願樹

• 雷公田農場鮮奶只限星期六，日開放

因為篇幅太長，小編亦都太懶(lol)，今次既遊車河之旅就會分上下集推出嫁！

出發 – 川龍飲個早茶先

川龍村嘅茶樓出名以山水沖茶配以懷舊茶樓格局，如果週末早起的話可以首先嚟到川龍嘅端記茶樓嘆番一盅兩件，只需於茶樓食滿指定金額就可以喺停車場免費泊車，不過就容易爆滿，記住早啲去到呀！

Openrice – 端記茶樓

營業時間: 06:00 – 14:00

大帽山郊野公園 – 設施齊全

今次途經扶輪公園既係大帽山郊野公園既其中一部分，而整個大帽山郊野公園覆蓋了荃灣及大埔林村段，佔地1440公頃；係呢個郊野公園裡面有齊露營，燒烤，行山徑及遊客中心等等，一次過滿足曬你N個願望！

• 泊車地方…容易爆

係大帽山郊野公園荃灣段主要有兩個停泊位置，一個係扶輪公園旁既合法泊位(不用入錶)，另一個就係駛到大帽山車路最高點既旁邊。唔好以為呢度既車位容易等呀，由於大帽山真係是非常熱門，大量團體去個度行山燒烤露營搞比賽，要做上述活動既話，最好就要早啲到扶輪公園停車埸霸位啦！

扶輪公園泊車位置

大帽山路最高點之停車點

爬升至全港最高的山

係扶輪公園再往上駛就會到大帽山既最高停車點

難得週末，就緊係想上山頂吸收新鮮空氣啦！不過要提醒大家，無乜道路駕駛經驗既朋友就唔建議揸車上黎啦！因為條路好窄，要成日駛入避車處，又要成日避行山人士，有時真係幾牙煙

咁岩今日遇著好天氣，上到黎已經可以見到藍天白雲

呢條封左既車路可以步行前往大帽山氣象站，小編當年試過一上一落約兩小時

大帽山係麥理浩徑其中一段，最高點亦可以步行到川龍等地

係停車點往下走，可以見到指示牌前往觀景台，觀景台就左右各一，可以俯瞰荃灣，大埔等景色

淨條望到呢片草地都夠曬relax呀！重可以帶埋食物上黎野餐添

下一頁 – 扶輪營地及燒烤場 →

扶輪公園營地

大帽山既露營地點真係算香港數一數二方便既營地，行幾分鐘就係洗手間同停車場(係無得沖涼)，重有個小食亭係正隔離，唔記得買野飲都唔洗驚啦！

係洗手間右邊既小路落去

我真係覺得呢度可以做個豪華營呀，因為呢度居然有實木地板同枱同水喉！可以用黎煮飯乘涼

不過呢度地方較小，官方網站話扶輪公園營地得六個營位，真係手快有手慢無

扶輪公園燒烤場

由停車場嘅呢一個入口行入去，沿住左邊行落樓梯，就會到達燒烤場。

根據官方資料，扶輪燒烤場有達55個燒烤爐，並非集中喺一個平地上，睇落都好闊落，夠曬地方比小朋友跑跑跳跳。最重要既係呢度俾樹林包圍，大熱天時有樹蔭遮頭真係舒服好多，不過夏天多蚊，大家記住帶定蚊怕水啦！

燒烤場旁邊亦建有遠足研習徑，全長1公里，大約半小時行得完，沿途景色唔錯，一家大小行都唔會覺得辛苦。

研習徑嘅指示都非常充足，行一個圈就去番停車場

荃錦燒烤場

如果發現扶輪燒烤場滿曬，大家亦可以選擇係正郊野公園對面嘅荃錦燒烤場。呢度比較麻煩嘅就係就係無洗手間，需要去番大帽山郊野公園入面既公廁。旁邊有空地可以泊車，不過位置不多，手快有手慢無。

官方資料顯示荃錦燒烤場共有25個燒烤爐，場地旁邊都種滿大樹，日間BBQ 都好舒服。

燒烤場隔離都有大片空地，可以帶埋羽毛球拍嚟打波添！

 

交通工具

往大帽山巴士：九巴51號， 於荃灣西鐵路站總站上車，”郊野公園” 站下車，再步行約5分鐘