一家大小見天氣唔錯就緊係想出去BBQ 吸收下郊外既新鮮空氣啦! 不過有架車要係周末搵個位就真係難少少。尤其西貢既泊位同爐位真係話咁快就爆, 要一個個燒烤場搵位真係幾麻煩嫁! 今次小編就推介下係西貢附近既馬鞍山郊野公國, 地方夠大爐頭夠多之餘重有一大個空地比大家泊車! 一齊望下岩唔岩你心水啦!
駕車前往方法
- 馬鞍山郊野公園位置
由九龍方面經高速公路駛到恆安附近
就會見到迴旋處有一個牌寫住’馬鞍山村’, 就可以駛入去
之後一直沿良友路上斜, 要小心留意呢度係單程路。由於拍攝當日係公眾假期, 上到終點附近已經有好多車泊係度啦。
行去到終點就會見到一大塊泊車空地
燒烤爐位多,唔怕無得BBQ!
位於新界東部既馬鞍山郊野公園成立於 1979 年, 位置於西貢半島中部。由南部的飛鵝山起，包括馬鞍山的主要部分 ; 而公園總佔地約 2,880 公頃。筆者強推呢個郊野公園既原因就係唔洗將加車泊到老遠,泊車空地同燒烤地點都好近的, 咁拎野BBQ 都方便啦
今次我地到訪既係馬鞍山村燒烤場, 可能係假日關系, 已經一早爆曬場啦! 當日去到重有好多印尼姐姐係度一齊開party 添!
小編一眼望埋去, 燒烤爐至少30個, 爐位集中而且好多都係平地上面, 所以係呢度搵位絕對無問題。而燒烤爐係屬於舊式石做既檯凳。
燒烤場入面既洗手間都係附近, 要洗野去廁所都好方便
不過唯一不太方便既地方就係呢度夜晚係無街燈既, 所以夜晚上黎燒烤既話記住自己帶照明工具啦!
設施一應俱全! 夠曬你玩一整日!
附上郊野公園地圖一個, 首先等大家可以睇下入面有咩設施
燒烤場既地方好大, 有幾處空地可以比小朋友玩飛碟同跑跑跳跳
一大個涼亭座落係公園中間
健身區加埋石春路, 真係見到都痛lol
呢度既家樂徑都非常易走, 全長0.44公里, 行15分鐘就會去到最高點既觀景台。去到觀景台重可以飽覽吐露港海口至城門河一帶景色添。
觀景台風景
-
總結
馬鞍山郊野公園算係一個燒烤爐比較集中既地方, 除左地方較大之外, 出面既路口亦都比較容易泊車, 唯一既小弊處就係夜晚無燈; 所以覺位朋友記住自己帶多幾支燈去BBQ, 咁就唔洗成日拎住電話照住D野咁狼狽啦!
-
泊車
無指定泊車位置, 但公園外面有一大片空地可以泊車
行山去馬鞍山昂平睇靚景野餐打卡
沿著馬鞍山郊遊徑車路一路行就可以去到 拍戲地點天外天。呢度一路步行上山就可以去到馬鞍山昂平， 睇住靚景野餐啦。
前往方法:
沿馬鞍山郊野公園方向繼續直行
去到地圖天外天位置路段會變成爛路,落雨之後泥土會比較鬆散,或者有泥氹,底盤較低私家車自己要注意
上到去會有地方掉頭及暫時停車
停好車後一路向山路方向行大約個零鐘就可以到達馬鞍山昂坪
馬鞍山昂坪風景
有大草地比大家野餐 
好天嘅話仲可以睇到有人玩滑翔傘
野餐之後記住保護環境,將自己垃圾帶返走