龍珠島

每逢佳節，要比個驚喜另一半又要一個人煙罕見既海邊真係唔易嫁! 今次分享既青龍花園位於屯門青山公路掃管笏段, 龍珠島附近; 因為附近係小型的私人住宅關係, 公園只有少數人黎到。公園對開就係非康文署管理既小沙灘, 前向屯門港, 對面就係大嶼山及赤鱲角機場, 想同另一半/ 三五知己搵一個寧靜既海旁傾計就可以揸車黎呢度啦!

遊車河路線

今次我地沿住青山公路入屯門, 沿途參考景點如下:

荃灣出發 → 汀九橋下 (汀九灣/ 麗都灣) → 深井深慈街 → 龍珠島 (青龍花園) → 黃金海岸 →  青山灣海鮮/ 返回小欖燒烤樂園晚餐(已結業)

寧靜公園, 小朋友玩樂好去處

青龍公園位於無乜車到既豪宅區, 人流緊係唔夠屯門公園咁旺啦, 但係呢度比到你既係出面公園比唔到你既寧靜同優閒既時光, 係一個值得推介比各位車友既地方黎嫁!

係正公園門口有5-8 個泊車位, 隔離就係公廁, 爸爸們得閒既話可以洗埋車

公園面積甚廣, 加上無乜人黎, 家長們就唔怕搵唔到個仔啦!

遊樂場同健身設施都可以係呢個公園搵到

公園內設有多個涼亭比大眾乘涼

公園內綠草處處, 入到黎已經覺得好舒服好放鬆啦~

無人海灘, 享受美麗風景

公園入口已經望到海灘; 由公園左面爬過圍欄即可到達

係欄邊有政府請勿跨過圍欄既提示

海灘既沙幾幼, 當日去到水質都唔錯, 不過都係唔好係無救生員既海灘到游水啦

面向海灘既右邊係屯門黃金海岸方向

向海灘既左方走去, 發覺有一個好似小小既連島沙洲, 不過當日小編唔係著落水既裝束, 無再向前探過究竟

係呢度影相都唔錯嫁! 影相當日重見到有人係海灘到蹓狗, 亦都有一家大小黎到呢度玩沙

小編試過係中秋正日夜晚係度玩蠟燭, 當晚呢度都係無乜人, 相比逼到爆既黃金泳灘, 前來呢個公園就唔洗怕無位啦!

如何前住

駕車前往青龍公園