都唔洗我多介紹啦。今次小編都係介紹番有咩風景呀，風景呀，風景呀，同埋風景囉。當然啦，上飛鵝山係比較危險嘅一件事，如果係經驗較少（揸車我指）嘅車友呢就唔係咁建議你揸車上去啦，始終路段都係比較斜，所以大家都係儲返咁上下經驗先好上去。
-
上山注意事項
係清水灣道見到飛鵝山既牌就轉入去。
條路上上下就係係單程路，重要唔多避車處，所以千其唔好咁傻豬沿路上沿路落啦，記住要係扎山道落，附上地圖一張。
另外飛鵝山有時都好大霧，上去個陣記住開車頭燈啦, 自己睇清楚之餘都要小心無端端有對頭車落黎 (單程路都有既lol)。好似我地今次上去咁，真係咩都睇唔清楚 so sad。
唔好講笑，上車個陣左兜右兜，旁邊重要無野圍住，點解有D似打緊頭文字D既喂！
-
日夜美景 盡在飛鵝山
唔好比咁多朋友仔耳濡目染話上面係偷情聖地先得嫁,其實飛鵝山既景致迷人,係九龍最高既山;係頂上面可以遠眺東九龍及西貢白沙灣既景致。而且係東九龍市區揸車上去半個鐘就到,一家大細都好岩去嫁。好彩D,天氣好既,係度重會睇到雲海同市區夜景添!不過今次小編就無咁好彩啦,雲就大把,不過就得雲囉。
上到黎都見到好多車泊左係崖邊
見到呢個亭就到啦, 落車個陣真係太凍,快快手影幾張相先!
亭既左面有一條路上去觀景台
觀景台既景致更加開揚,重有圖話你知邊度打邊度添! 呢邊就望到西貢既風景
呢一日(冬天) 真係好大霧, 所以影既相都係一般
落番黎再揸前少少,右手面就見到大老山既天文台氣象站,特登轉入去少少, 咦!又真係難D發現喎!
不過睇番地圖,原來前少少係警崗…..睇黎要當我無講過了。
另外, 係飛鵝山上面都可以睇到日出嫁, 如果可以揸埋車上去就可以唔洗咁辛苦啦!
-
秋冬芒草行
係秋冬時份,飛鵝山更加長滿芒草,各位車友如果想影芒草又唔想走去爬3個鐘大東山/女女想著得靚靚去影芒草的話,上黎飛鵝山就真係不二之選啦。今次小編就係車路邊影得個兩張仔(因為真係太凍啦,重手震lol)。如果今日天氣好D, 我一定會爬過去飛鵝山北面睇嫁!
如果大家係專登黎芒草呢, 係茂草岩右轉落去到衛奕信徑,幾個山頭都長滿芒草, 大家有興趣可以沿住地圖上面行衛奕信徑去集下郵, 都有好多好風景嫁!
係呢個右轉入去就係啦!
秋冬時份都會比較凍, 如果各位朋友上到去個陣記住著多兩件衫啦!
-
落山注意事項
因為小編係寫呢篇文個陣都發現飛鵝山曾經有不少意外,而且扎山道真係太斜啦, 所以係經扎山道落山既時候記住要用低波/拖波行啦。我地係行行下個陣聞到brake 皮燒焦既味道,搞到架車最後落完山都要係平路邊抖下,真係咪話唔驚呀!
係扎山道落山都有一個觀景台
係呢度有大約5個車位
黎到扎山道既風景都唔錯嫁(個日係呢度影好過係上面影 so sad), 一場黎到不妨影多兩張相先走
由沙田坳道都可以揸車上黎嫁
如果各位車友想由慈雲山上沙田坳道到呢個觀景台, 路線如下:
-
總結
其實飛鵝山唔係大家想像中既車震聖地咁簡單既, 漂亮既九龍半島同西貢景色都抵大家上黎啦! 重可以輕鬆睇芒草同日落景致, 唔知會唔會令大家對呢度加番咁上下分呢?
-
泊車
無指定泊車位置, 所以各位車友要執生啦
駕車前往方法
- 飛鵝山觀景台位置