大網仔營地-自駕去露營

一家大小,三五知己去weekend露營吸收下新鮮空氣,人都精神D呀!但係老婆又話拎著D營重,呀仔又周圍跑要拖住,朋友甲重話夜D先到,真係八隻手都唔掂呀!熱門露營地方大灘呀塔門又係禁區又要搭船,係咪好想打退堂鼓去樓下食飯算呢?位於西貢西郊野公園既大網仔一號營地就幫到你啦!佢係漁農署近排開放既指定露營地點,屬於西貢既非禁區範圍,揸到車入去既話,唔好話搭營,搭個蒙古包都得啦!一齊睇下下面介紹啦!

  • 夠就近!岩曬初次露營既你!

    可能好多朋友都覺得拎住咁多野去到遠一遠既營地露營真係好麻煩,大網仔就真係小編既誠意推介啦!各位車友只要見到由西貢駛入北潭涌,去到中途會見到烈士碑園,再駛落去就會見到有以下指示:
    IMG_4892
    再向前駛少少,右手面就係大網仔一號營地啦!車去到門口都真係好方便,咁就可以輕鬆搭營啦
    IMG_4893
  • 夠方便!廁所風景燒烤爐一應俱全!

之前係塔門呢D地方都要行到老遠先有廁所(我記得要成半個鐘先行到都拎水lol),你話一急起屎上黎唔通要野外…解決咩,所以小編係選擇營地同廁所既距離既要求都好高嫁。大網仔一號營地離廁所就向上行五到十分鐘(我覺得算近嫁啦!),廁所重幾新淨添,各位車友要打水洗面打邊爐都幾方便嫁。

IMG_4896

漁農處網站顯示大網仔一號營地有十二個營位,因為交通方便既關係,假期期間都非常爆滿。如果各位朋友想係公眾假期黎呢度露營既話就要盡早黎霸位啦。

IMG_4897

黎呢度個陣都見到好多朋友帶定Shelter 去Cover D 枱,如果大家有揸車都可以順道帶埋去,咁就可以舒舒服服煮午餐又唔驚有雀屎啦!

好天個陣係營地向外睇重可以見致美麗既西貢海景添!

不過需要溫馨提示既係,係營地上面就係烈士碑園,附近係有數個先人靈位,呢個就唔太方便影相啦…不過總括黎講,大網仔一號營地都係一個好方便各位營友既地方黎既,希望大家都可以過一個舒服既露營假期啦!

  • 泊車

2018-03-31 更新 – 

係上次重回大網仔營地後,我地發現政府將烈士碑園下斜坡邊相關道路收窄左,不能泊車;所以要係度泊車的話,就要停係烈士碑園旁的外面道路 (非合法停車位置)。

20171001_171414
20171001_171510

烈士碑園旁的外面道路

20171001_171633
  • 揸車注意事項

係抗日英烈紀念碑右面既小路入去

由烈士碑園揸落去既斜路有爛路,而且比較斜,落斜要小心啦。

IMG_4900
  • 交通工具

    94號巴士(每日由西貢市巴士總站開出往黃石碼頭)
    96R號巴士(假日及公眾假期由鑽石山巴士總站開出往黃石碼頭)
    在西貢戶外訓練營站下車。沿大網仔路向北潭涌方向步行約5分鐘,到烈士碑園再沿路旁小路步行5分鐘 。
    9號綠色小巴(每日由西貢市巴士總站開出往麥理浩 夫人渡假村
    在烈士碑園下車。沿烈士碑園旁小路步行 5分鐘。

駕車前往方法

  • 大網仔營地位置

7 thoughts on “大網仔營地-自駕去露營

發佈回覆給「conan」的留言 取消回覆

發佈留言必須填寫的電子郵件地址不會公開。 必填欄位標示為 *