相思灣

小編係去之前都無留意過相思灣呢個小海灘,因為佢並唔係康文署轄下既海灘之一,所以都係第一次去。不過黎到呢個秘密小地方,確實黎飲下野傾計都不錯,一齊睇下呢度有咩睇啦!

要入黎相思灣確實不太方便,因為落斜既時候有好多路磗,如果車友們既車太低就要小心啦。
沿住清水灣道係相思灣路轉入去

因為太隱蔽既關係,各位車友要小心睇清楚D 分叉路口呀,唔係就好容易碌左去人地屋企lol。

獨木舟去綠蛋島

相思灣有幾間出租獨木舟嘅舖頭, 部份有得泊車,但每間泊車地點不同, 車位價錢大約$100 1日 租獨木舟嘅時候問吓舖頭

相思灣綿羊仔水上俱樂部
大灰熊獨木舟

大家可以將船泊喺前面石灘然後休息再上綠蛋島參觀
右邊綠色箭嘴就係綠蛋島, 星期六日好多人排隊打卡
左邊紅色箭嘴係流動小食部, 小編去嗰陣時有雞髀賣 $30 1隻

寧靜海灘,吹風好地方

黎到相思灣,首先影入眼簾既就係一大片空地!真係錶都唔洗入就可以就咁泊係度。然而好少可有泊車位同沙灘咁近,有時間都可以同你架影番張靚相嫁!

由於呢度唔係康文署轄下既泳灘之一,所以係乜都無既!小編都強烈不建議各位落水玩,因為真係好危險 lol

IMG_5084


應該係區議會整既石枱同櫈,不用蓆地而坐,氣氛咁好咁寧靜,就可以舒舒服服同朋友傾計啦!

IMG_5081


沙灘既質素確實幾差,因為有好多垃圾係灘上面,水質都唔係咁好。

IMG_5083
IMG_5082


不過呢度既好處就係寵物可以入黎!狗狗想玩水既話,呢度都係不錯既選擇,我地到個陣都見到有住附近既人都帶左狗黎散步。

IMG_5086


要留意石屎地上有好多釘, 真係唔知係邊個咁無公德心,所以各位黎到既時候要小心啦!

IMG_5085
  • 泊車

有一片大空地任君選擇

  • 揸車注意事項

因為好多路磗,如架車太低會容易刮底,不是太建議前往。

駕車前往方法

  • 相思灣位置

發佈留言

發佈留言必須填寫的電子郵件地址不會公開。 必填欄位標示為 *